یانتائی زبردست جدوجہد کے ساتھ سمندری ماحولیاتی تحفظ اور صفائی کو فروغ دے رہاہے

Press Release Urdu

یانتائی،چین،16دسمبر،2020 /ژنہوا-ایشیا نیٹ / —  ژنہوا(چنگڈاؤ) انٹرنیشنل اوشین انفارمیشن سینٹر کے مطابق،جب سے یانتائی نے تمام ساحلی اضلاع اور کاؤنٹی سطح کے شہروں کے ساتھ مل کر دریاؤں ، ریت کے ٹیلوں اور ساحلی زون سے تیرتا ہوا کوڑا کرکٹ اور گھریلو فضلہ صاف کرنے کے لئے “کلین بیچ” مہم شروع کی تھی، تب سےاس دسمبر تک 125 مقامات سے 875 ٹن کچرا صاف کردیا گیاہے۔تقریباً 10,000 میٹر تک پھیلا ساحلی علاقہ جو پہلے گندا رہتاتھا اب ایک صاف اور تازہ منظر پیش کررہاہے۔

جزیرہ نما شانڈونگ پر واقع یانتائی نے گزشتہ سالوں میں ماحولیاتی تحفظ کو پہلی ترجیح دی ہے۔ پائیدار ترقی اور لوگوں کے رہائشی ماحول کو بہتر بنانے کی بنیاد رکھ کر سمندری ذخائر کو سنبھالنے اور ماحولیاتی فضا کو بحال کرنے کے لیے اقدامات کو تقویت دی  گئی ہے۔

بحیرہ اصفر اور بحیرہ بوہائی دونوں کے ساتھ واقع،یانتائی کی سمندری حدود 26,000 اسکوائر کلومیٹر ہے،اورچین کی سمندری معیشیت کی درجہ بندی میں اعلی مقام رکھتاہے۔سی پی سی یانتائی بلدیاتی کمیٹی کے سیکرٹری ژینگ شوپنگ کے مطابق،یانتائی سمندری حیات کے تحفظ کے لیے نئے راہیں متعین کرنے کے لیے جدوجہد کررہاہے اور پورے ملک کے لیے ایک تجربے کے حصول میں مصروف ہے۔

زیادہ تر ساحلی علاقےساحل کے قریب مچھلی کے شکار کے لیے کم ہوتے ہوئے ذخائر کے مسئلہ سے دوچار ہیں۔یانتائی،بطور ایک ساحلی شہر اور تعداد کے حساب سےقومی سطح پر وسیع ترین سمندری زراعت کے گھر کی حیثیت سے،سمندری زراعت کو ترقی کا ایک اہم ذریعہ سمجھتے ہیں جو ماہی گیری کے وسائل میں اضافے ، آبی حیات کے بچانے اور  سمندری ثقافت کو فروغ دینے کا ایک اہم طریقہ کار  ہے۔اس عمل کے دوران،یانتائی زمین اور سمندر کے مابین اور آبی زراعت اور ماحولیاتی تحفظ کے مابین توازن کو بنائے رکھنے کی طرف توجہ دیتاہے۔یہ سرکلر کلچرل ورک شاپس کی تعمیر اور اچھے طریقے سے گندے پانی کو صاف کرنےمیں ان متعلقہ کمپنیوں کی مدد  اور حوصلہ افزائی کرتاہے،جنھیں گندے پانی کی صفائی اور علاقائی پانی کے استعمال کے طریقہ کار کی جامعیت کا احساس ہوگیاہے۔آبی زراعت کے علاقے میں پانی کے معیار کی ہمہ وقت نگرانی کی جاتی ہے۔گزشتہ سال،بحیرہ بوہائی میں یانتائی کی حدود میں سمندری علاقےکے بہتر معیارکا تناسب 98.62% تک پہنچ گیاجو گزشتہ سال سے 26% زیادہ ہے۔اور ساحل کے قریبی علاقے کا بہتر معیار 99%سےزائد بڑھا،جو گزشتہ سال سے 15% زیادہ ہے۔

یانتائی ساحلی علاقےکی بحالی کے لیے پرعزم ہے۔اس نے کئی نئے قوانین نافذ کیے جیسے کہ یانتائی کے ساحلی علاقوں کے تحفظ کے لیے قوانین،اور جزیرہ چینگڈو کے ماحولیات کے تحفظ اوربحالی کے منصوبے کو عمل میں لانا،جہاں قدرتی  ساحل کی بحالی اور اسے ختم ہونے سے بچانے کے لیے ایک جامع سمندری ماحولیاتی علاقہ کی تعمیر کی گئی ہے۔گزشتہ 3سالوں میں،چینگڈو کی سمندری ماحولیات کی بحالی کے لیے 3بلین یوآن کی سرمایہ کاری کی گئی ہے اور 40 کلومیٹر سے زائد کے ساحلی علاقے کو بحال کیا گیا ہے۔خوبصورت سمندری ماحول کے ساتھ،چینگڈو جزیرہ اپنی سیاحت میں تیزی دیکھتا رہاہے۔حال میں،چینگڈو کے سیاحتی شعبے میں 14,000 لوگ کام کررہے ہیں جو اس کی کل آبادی کا 3/1 حصہ ہیں۔مزید لوگ اپنی زندگی بہتر بنانے کے لیے اس شعبے میں شامل ہورہے ہیں۔

چینگڈو میں ماضی میں کم دیکھنے والےکئی اقسام کی کائی جیسے کہ زوسترا مرینا اور گلویپیٹس اب مسلسل کوششوں سے دوبارہ نظر آنے لگی ہیں اور بغیر پروں والی سفید پورپوئز اور وہیل بھی یہاں دکھائی دینے لگی ہیں۔اس نوع کے جانور جیسے کہ اورینٹل وائٹ سٹورک،ہاربر سیل،اور چائنیز ایگریٹ کی تعداد بڑھ گئی ہےجن کے رہنے کے لیے ماحولیات کا اعلی معیارمطلوب ہوتاہے۔چینگڈو اکنامک پروموشن سینٹر کے ڈپٹی ڈائریکٹر تانگ جونوی کا کہناتھا” اب یہاں پانچ سال قبل موجود کائی  کے مقابلے میں 30سے زائد اقسام ہیں۔کچھ معاشی انواع جیسے کہ بحیرہ بوہائی کے ہیرٹیل اور جھینگے اب تعداد میں دوگنے ہوگئے ہیں۔مچھلی کے شکار کا غائب ہوا سیزن اب چھوٹی سطح پر واپس آچکا ہے۔”

ایک مقامی شہری جناب یے کا کہناتھا “یانتائی میں ان برسوں میں زبردست تبدیلیاں آئی ہیں۔ساحلی علاقے کی بحالی کے بعد،اب شہر میں سیر و تفریح کے لیے بہت سارے ساحلی مقامات ہیں۔ہم صاف سمندری پانی اور اپنے گھر کے قریب بہترین ساحل کا لطف اٹھاسکتےہیں۔چھٹیوں کے دوران سمندر کنارے چہل قدمی اور ورزش کرنا بہت اچھا لگتاہے۔”

ذریعہ : ژنہوا(چنگڈاؤ) انٹرنیشنل اوشین انفارمیشن سینٹر